أمتال شامية....بحته

القرد بعين امه غزال

الخنفسة إذا شافت ابنها على الحيط بتقلوا تقبرني مثل اللولية بالخيط

العنزة الجربانة ما بتشرب إلا من راس النبع

البيت بلا امرأة مثل الأرض القفراء

رجال بلا كرش مثل البيت بلا عفش

رايحين جايين مفاتيح القلعة مضيعين

أهن فلوسك ولا تهن نفووسك

لو شاف الجمل حردبتوا لوقع وانكسرت رقبتوا

على حشتو رافع بشتوا زبال وشاكل وردة

عرج الجمل من شفته





إذا بدك تحيرو خيروا

قرعة بتصرح مجنونة

ساعة إلك وساعة لربك

شجرة بداري بتحمل إلي ولجاري

لا تركب حمارة وصاحبها بالحارة

ليش حامل السُلَّم بالعرض

إجا للعميان ولد قلعولوا عيونوا باللحمسة

من بعد الأم حفير وطم

راح المنبقط لعند المبتلي ليجيب دواء للعافية

بدعي على ولدي وببغض يلي بيقول آمين





قالوا يا فرعون مين فرعنك قال ما في مين يردني

ما بعد الصبر إلا المجرفة والقبر

مثل سيران الكلاب لا أجر ولا ثواب

كل قمحة مسوسة إلها ألف كيال أعور

رضينا بالبين والبين ما رضي فينا

ألف قولة هرب ولا قولة الله يرحموا

مين خلّف ما مات

أنت أمير وأنا أمير مين بدوا يسوق الحمير

لاقيني ولا تطعميني

طبعك ردي غالب وذنب الكلب أعوج لو حطوا بستين قالب



وردة بتخلف شوكة

يلي بيدق الباب بيسمع الجواب

بدل ما تقلها كش ضربها وكسير رجلها

الأيد يلي ما بتحسن عليها بوسها وأدعي عليها بالكسر

يا شاري الهم من قلب صاحبوا

يلي عندو فلفل بيرش على المخلوطة

بيطعم الحلاوة للي مالو أسنان

مثل الخنفسة بالطاسة

مثل الحمام المقطوعة ميته

خذوا فالكم من أطفالكم





حط أصبعك بعينك مثل ما بيوجعك بيوجع غيرك

قمنا من تحت الدلف نزلنا لتحت المزراب

صمنا وفطرنا على بصلة

مشترات العبد ولا تربايته

إذن من طين وإذن من عجين

ضروب الطينة بالحيط إن ما لزقت بتعلم

يلي ما بتزينوا عروقوا ما بتزينوا خروقوا

لبّس المكنسة بتطلع ست النسا

يلي بيشوفني بعين بشوفوا بعينتين

أربط الحمار مطرح ما بيقلك صاحبوا





لا تاخذ اللبانة إلا من الحنك الأعوج

ساقية جارية ولا نهر مقطوع

الحجر يلي ما بيعبك بيفجك

المونة بدها ركونة ما بها امراة مجنونة

ست وجاريتن على قلي بيضتين

الرِجِل بتدب مطرح ما بتحب

الحب مطب والعاشق اعمى

طنجرة ولقت غطاها

وافق شنً طبقة

شو ما طبخت العمشى جوزها بيتعشى





قلها يا امراة اطبخي طيب قالت يا رجال كتر ايدام

يا لبنية بلا كبب يا عداوة بلا سبب

يا داخل بين البصلة وقشرتها ما بينوبك إلا ريحتها

بالآخرة يا فاخرة

كل عنزة معلقة من كرعوبها

قطع الأعناق ولا قطع الأرزاق

عيش يا كديش لينبت الحشيش

الغايب مالوا نايب

لا تاخد صاحب إلا من بعد قتلة

أكبر منك بيوم أعلم منك بسنة




قالو لشعبان ليش ما بتجي برمضان قلهم كلشي بوقتوا حلوا

لابق للشوحة مرجوحة ولأبو بريص بقاب

خلي العسل بكواروا لتجي أسعاره

يلي بيخفف عقلوا بتتعب رجليه

إتاية عوجة إذا جلستها بتنكسر

الكلام يلي ما بيتنفذ يا حسرة على يلي قايلوا

الحكي إلك يا جارة والتسميع إلك يا كنة

لا تكتر على امك وأبوك بيكرهوك

متل الأطرش بالزفة

كتر الدلال بيهرب العاشق



يلي بينزل من السما بتستلقيه الأرض

ما بيعجوا العجب ولا الصيام برجب

قالوا يا خياط يا رئيس قبل ما تفصل قيس

متل قطرميز مصر لا كسم ولا خصر

على قد لحافك مد رجليك

ضروب الحديد وهو حامي

قالوا لكتار الغلبة نصف الدنيا لك قلهن والنصف الثاني لمين

مثل أكابر الديماس كبار بعينهم وصغار بعين الناس

ابعد عن الشر وغنيلوا

الباب يلي بيجيك منه ريح سدوا واستريح

البرغوت قال للبقة يضرب الشرشوح إذا ترقى





عيوبنا لا نراها وعيوب الناس نركض وراها

إذا حرامي مالَك إيدك بيجيبتي ليش

لا تنام بين القبور ولا تشوف منامات وحشة

لا تعلم شحاد على باب دارك

ما بيحك جلدك غير ظفرك

قالوا للبغل مين أبوك قلهم الحصان خالي

جدي لعب بعقل تيس

بنتاجر بالأكفان بيبطل حدى يموت

لا تشتري سمك بالمي

حبلة ومرضعة ووراها أربعة طالعة على الجبل تجيب دوا للحبل




قال يا قاعدين يكفيكن شر الجايين

دود الخل منه وفيه

من برى رخام ومن جوى صخام

توب العيرة ما بيدفي وإن دفى ما بيوفي

كل طايفة إلها بلوعة

عكا لو بتخاف من صوت البحر ما جاورتو

أجت الحزينة لتفرح مالقتلها مطرح

من قلة الخيل شدينا على الكلاب سروج

صاحبي وحبيبي بس ناح الجيبة لا تقرب

الرمد أشوى من العمى



كبرت البيتنجانة وادندلوا جراصها ونسيت أفة *** يلي كانت على راسها

مكتوب على ورق الخيار يلي بيسهر بالليل بينام بالنهار

يلي بدوا يلاعب القط بدو يلقى خراميشوا

الجنة عروس ومهرها النفوس

كشو مشو لنرتاح من وشو

فكرنا الباشا باشا طلع الباشا زلمة

يلي بيعرف بيعرف ويلي ما بيعرف بيقول كف عدس